თქვენ ხართ ახლა აქ;
თავფურცელი > <1 სთ > ყაბაყი ქათმის ხორცით

ყაბაყი ქათმის ხორცით

ვაგრძელებთ რა დიეტის და სიმარტივის ზეიმს, დღეს მენიუში გვაქვს ყაბაყი ქათმის ბაყვებით. რასაკვირველია შემეძლო ქათმის სხვა ნაწილიც ამერჩია, მაგრამ გაუყინავ ვერსიებში ეს ნაწილი ჰქონდათ იმ მომენტში.

მოვხარშოთ ბაყვები. დავჭრათ ხახვი, გავრეცხოთ და მრგვლად დავჭრათ ყაბაყი. პომიდორი გათალეთ (მდუღარე გადაავლეთ და უფრო ადვილია), დასრისეთ, ან გახეხეთ ან დაჭერით, მოკლედ, როგორც გინდათ.  ავიღოთ ტაფა, რომელიც არ იწვავს, მისაწვავი კი არაფერი გვაქვს, მაგრამ მაინც ეგეთი აიღეთ. ტაფაზე დავყაროთ დაჭრილი ყაბაყი, მოვასხათ ნახევარი ჭიქა წყალი და გახეხილი პომიდორი. სახურავი დაახურეთ და ნელ ცეცხლზე შუშეთ და ათუხთუხეთ. ყაბაყი მოხარშვამდე რომ მივა, რასაც უფრო სწრაფად ახერხებს, ვიდრე ბადრიჯანი, ზემოდან შემოალაგეთ აწ უკვე მოხარშული ქათმის ბაყვები, ისევ დაახურეთ. როდესაც ყველაფერი მოიხარშება, ანუ 4-5 წუთში, მოაყარეთ დაჭრილი ხახვი, ახალი ქინძი/რეჰანი და მარილი/პილპილი გემოვნებით. ცეცხლიდან გადმოდგით.

რა დაგჭირდებათ: 

2 ცალი ყაბაყი

ქათმის 4 ბაყვი, უფრო ზუსტად ბაყვის ზედა რბილი ნაწილი

1 საშუალო თავი ხახვი

4-5 საშუალო ზომის პომიდორი ან უცხიმოდ მომზადებული პომიდორის კონსერვი (არა ტომატ პასტა)

ნახნახევარი კონა ქორფა ქინძი ან/და რეჰაი

მარილი/პილპილი

ასევე შეგიძლიათ ნიორიც

 

კომენტარები

კომენტარი

Tamara Mirianashvili
თამარა არის Ratatui Food & Media-ს თანადამფუძნებელი, პროფესიონალი ფოტოგრაფი, მთარგმნელი (ინგლისური ენის სპეციალისტი) და ბლოგერი.
http://odelia.ge
Top